خرج الفنان المصري محمد أسامة "أوس أوس"، نجم عروض "مسرح مصر" الشهيرة، عن صمته إزاء حملة الهجوم ضده وزوجته، بعد حضورهما حفل زفاف شقيقة زميله ومواطنه مصطفى خاطر، رغم وفاة طفلهما الرضيع، منذ شهرين تقريبًا.
ونشر أوس أوس صورة له مع زوجته من حفل الزفاف المذكور، عبر حسابه الشخصي على "إنستغرام": "أنا مش محتاج أبرر وأحكي أي حاجة عن حياتى والست اللي قلبي اختارها كنت ساعتها في أول موسم لتياترو مصر كنا نتقاضى مرتبات مش ممكن تفتح بيت وأول ما اتجوزت كنت أقعد في بيت إيجار كمان".
وأضاف: "أنا بس هكتفي بالنقطتين دول علشان أصحاب العقول والنفوس المريضة يعرفوا ويبطلوا نغمة (الفلوس بتعمل أكتر من كده) الفلوس ممكن تشتري سرير بس ماتشتريش النوم! ومش أنا بس دا أغلب المشاهير اللي بتحسدوهم على حياتهم دلوقتي ماتعرفش بدأ من إمتى واتبهدل إزاي ولولا وجود حد جنبه بيسنده ويدعمه ماكنش هيعرف يعدي من أي مشكلة نفسية أو مادية في حياته".
وتابع الفنان الشاب: "مش معنى إني بنزل أشتغل أو بتصور وأنا مبسوط ده معناه إنى هموت من الفرحة بس دى مهنتى واجبى ناحية جمهورى إنى أخرجه من أي حزن هو فيه كل ده بعمله على حساب حزني وجرحى ووجعي أنا، وفي الآخر بتشتم برضه".
وواصل: "أنا بقول الكلام ده ولن أسمح بأي تدخل في حياتي الشخصية مرة أخرى سواء بالخير أو بالشر أو دخول اسم مراتي في أي كلمة من كلام المرضى النفسيين.. مراتي اللي أخوها متوفى وابنها متوفى وما صدقت أول مرة أخرجها نروح مناسبة ودمرتوها نفسيًا تاني بكلامكم المريض.. حسبي الله ونعم الوكيل فيكم".
واختتم بتوجيه رسالة إلى زوجته، قائلًا: "حقك عليا يا ست الكل، سكت كتير وكنت بعدي لكن مفيش فايدة.. كل واحد يركز في حياته.. الطموح حلم مشروع عند كل الناس اسعى واتعب وكافح وربنا اللي بيكافئ مش البشر بدل ما تفضل تبُص فى حياه الناس".
يذكر أن أوس أوس وزوجته تعرضا لهجوم حاد واتهام باللامبالاة وعدم الشعور بالحزن بعد وفاة نجلهما الرضيع، منذ شهرين تقريبًا، بعد تواجدها في حفل الزفاف المذكور سلفًا.
كما وجه البعض سهام النقد لـ"أوس أوس"، بسبب مشاركته في مسرحية "صباحية مباركة" التي تعرض حاليًا، وهو ما دفع الفنان الشاب للرد بقوة على تلك الانتقادات.
