نورا العزوني
كشفت ريما الرحباني ابنة الفنانة فيروز عن جانب مختلف في حياة النجمة اللبنانية، وهو جانب الام المعطاءة التي تعيش تجربة صعبة بوجود ابن من ذوي الاحتياجات الخاصة.
فيروز ترعى ابنها من ذوي الاحتياجات الخاصة
نشرت ريما الرحباني عبر حسابها الخاص في فيسبوك صورة التقطتها بهاتفها على حسب تعليقها، تجمع شقيقها زياد ووالدتها فيروز بشقيقها من ذوي الاحتياجات الخاصة هلي
وكشفت ريما من خلال تعليقها أن هلي لا يسمع ولا يتكلم كما انه مقعد، وان فيروز تحرص على رعايته بالرغم من سنوات عمرها الكبيرة وسنوات عمره
وشاركت ريما هذه الصورة من خلال اجتماع الأسرة داخل الكنيسة في ذكرى وفاة والدها عاصي الحلاني ولاستذكار وفاة شقيقتها ليال.
وتفاعل الجمهور بشكل واسع مع هذه الصورة مؤكدين انهم لم يعلموا عن وجود ابن يعاني من مشاكل صحية للفنانة الكبيرة فيروز، وقال البعض إن فيروز تمثل اي ام عربية تكرس حياتها لاولادها خاصة من يعاني منهم
فيما علق اخرون أن ابتعاد الفنانة اللبنانية عن الصحافة والمقابلات بات واضحًا، حيث ان هناك جانب خفي من حياتها ليس سهلًا، وان رغبتها بالبقاء إلى جانب ابنها "هلي" اكبر من رغبتها بالشهرة
ريما الرحباني تتحدث عن شقيقها "هلي" في منشور طويل
وبالعودة إلى تفاصيل منشور ريما الرحباني فقد جاء فيه: "فيروز (إمّي) زياد (أخوي) وهلي الرحباني (أخوي) الثلثاء ٢١ حزيران ٢٠٢٢ في تمام الساعة ٨ و ٢١ دقيقة كنيسة السيّدة - المحيدثة - بكفيا كنيسة العاصي القداس السنوي عن راحة نفس عاصي (أبوي) وليال الرحباني (إختي) مع الصديق الأبونا ملحم ب آيفون ريما طبعاً"
وأضافت: "مش من زمان كتير فهمت إشيا كتيرة.. أسئلة كتير كنت إطرحها بيني وبين حالي، إطرحها على خوارنة ومطارين.. ع فلاسفة ومؤمنين.. فتش عنها بالكتب والأناجيل.. وولا مرّة حدا بجوابو ريّحني او قنعني! ليه هلي خلق بهالعيلة؟ وليه صار معو هيك؟ ليه عاصي فل بكير؟ وليال فلّت أبكر من بكير!... وليه؟ وليه؟ ولَيْهات كتيرة ضل إسألها.. ونفسي ما ترتاح من الوَجع ومن الأسئلة! إسمع كلام كتير ما يعنيلي شي ما يحرّك فيّي شي!"
وأردفت: ""ضريبة الشهرة" .. "مقابل كل فرح في وجع!" .. "مقابل كل نجاح في بِكي"..... وما كانت تِرضى نفسي ولا تِستَكين .. وربنا شو؟ بيَعطي وبياخد؟ ربنا ليه راضي بهالظلم كلّو على هالارض الواسعة؟ ليه ما وزّع كَرمو على كل الناس بالعَدل والتَساوي؟ ليه؟ ليه؟ اي اي ما بنكر إنّي مرّات "كتير بكيت وصلّيت انا وحالي ووحدي إحتجّيت!" وزعلت منّو وما عدت احكيه.. بس مش من زمان لقيت الجواب"
واستطردت في الحديث عن شقيقها هلي: "هلي بيناتنا نحنا بالذات ت نضَل ماشيين عَ الارض! هلي حمانا من ضو الشهرة والمال والجاه والتكبُّر والتعجرُف وكل ملذّات الحياة الفانية… هلي نقّى نفوسنا وقلوبنا وطهّرها! هلي رد عنّا ضربات الحقد الماكر والحسد والغيرة.. هلي خلانا نضل مجموعين وخلّا هالبيت ما يعيش فيه الا الحُب وخلا قلوبنا توزّع حب وفرح عالناس كل الناس.. خلانا مرتبطين بالناس البُسطا اللي بيشبهونا ومنشبهن! مش عن عبث بِكره الحياة الإجتماعية اللي مليانة تصنّع وكذب وسطحية وظهور وحفلات وعهر وكفر وبَطر ونجومية!"
واكملت منشورها قائلة: "مش عن عبث ما برتاح إلا مع الناس الطيّبين بالضياع الخجولة والفلاحين والزرّاعين والحطّابين والعمّال الكادحين.. لاء.. منّي شيوعيّة.. لاء انا مسيحيّة وهيك بتكون المسيحيّة الحقيقيّة! مش اللي مغطسة بتيجان الدهب ولا بالصلبان المشطوبة… ما حدا علّمني ما حدا ربّاني ما حدا لزَمني.. كون هيك!
واختتمت المنشور قائلة: "هلي اللي ما بيِحكي وما بيِسمع وما بيِمشي.. هوّي اللي علّمني كل هول علّمني سامح وحب وأعطي أهلي عمري وحياتي متلما هوّي عطانا وبحسب قناعة عاصي وكلام عاصي إلي "هلي وزّع ذكاه عليكي إنتي وزياد وليال بالتساوي! ولهيك لازم كتير تحبّوه لهلي!" اي يا بيّي هيّاني عم قول اللي بدَّك ياني، إنتَ وساكٍن العالي، قولو هلي يا ملاك البيت الله يحرسك ويطوّل عمرك ويخلّيك بركة هالبيت! ريما عاصي الرحباني "
