حلت الفنانة المصرية صابرين ضيفة على برنامج "كلمة أخيرة" والذي تقدمه الإعلامية المصرية لميس الحديدي، وقد تحدثت عن العديد من المواضيع منها كواليس ارتداء الحجاب وخلعه، وعن علاقتها بـ الله عز وجل.
وقالت صابرين عن قضية ارتداء الحجاب ومن ثم استبداله ببروكة ومن بعدها خلعه أنها: "كانت صابرين تعيش كل لحظة بصدق.. كل ما نكبر منعيش لحظات أكثر نضوجًا". وأضافت: "كنت مؤمنة جدًا عندما قررت بارتدا الحجاب.. كما كنت أمر بحالة من اللخبطة بعد نجاح الجامد أوي لمسلسل "أم كلثوم".. والاستقبالات بالعالم والأوسمة الجمدة أوي".وبينت أن شخصيات قريبة منها غارت منها بسبب نجاحها الكبير في المسلسل.
وأردفت صابرين: " الحجاب كان في حالة انفصال في البيت ولخبطة، أهم حاجة الواحد يعمل اللي بيحبه بصدق".
وعن قرار خلعها الحجاب علقت: "لما قررت أفك الحجاب قولت أنا مش بعمل الصح أوي وليه ابقى بوشين ولا 3 وشوش، وليه مواربة باب الناس بتهاجمني عشان الباروكة، وأنا لما كنت بقعد مع نفسي كنت بقول أهو الباروكة أحسن ما أعمل حاجة تانية، بعدين قولت لنفسي أنا مكنتش بلبس حاجة والناس كانت بتشيد باحترام الأدوار، والناس ابتدت تعلق الشماعة ليا".
وأوضحت: "قولت يعني إيه لو كسبت العالم وخسرت نفسي، وحسيت إني حابة نفسي أكثر وفي تصالح والعلاقة مع ربنا بيني وبينه ومحدش بيسألني أنت صليتي ولا لأ وصومتي ولا لأ ومحدش بيعرف واجباتك في السر."
وواصلت صابرين: " دايما كنت بقول اللي هينزل معايا القبر يحاسبني، وكان في تعليقات ناس تقولي إحنا بنحبك في الله وبننصحك وأنا بحب ده وبحترمه وفي ناس بقى تخصص تهزيق وبهدلة، وكانوا لجان وبيكون باين مين بينصح بمحبة ومين بيشوط وخلاص."
ووجهت صابرين انتقاد ورسالة لزميلتها الفنانة المصرية المعتزلة حلا شيحة على خلفية الخلاف الأخير بين المعتزلة والفنان المصري تامر حسني
صابرين تعلق على خلاف حلا شيحة وتامر حسني
وعلقت صابرين على خلافة حلا شيحة وتامر حسني بأنها " ما فعلته حلا شيء مريب وأوفر، وحسيت إن في حاجة غلط"، وأضافت ما ازعجني هو فقط ما حدث مع حلا ووالدها وقالت: "الام والاب مش بس خط احمر خط ملتهب مينفعش".
ووضحت بأن حلا إنسانة حرة بكل قراراتها سواء كانت من تتزوج أو ماذا تفعل بحياتها ولا يمكن أن أقول أي شيء عنها.
