تصدرت الفنانة المصرية الشابة منة عرفة حديث المواقع في الساعات الماضية بعد إعلانها عودتها لطليقها الفنان محمود المهدي بعد 48 ساعة من الانفصال تبادلا خلالهم الاتهامات والهجوم.
ونشرت عرفة عبر حسابها في انستغرام منشور قالت فيه: "من أصعب اللحظات الي ممكن تعدي على اي ست لحظة الانفصال وخراب البيت، الطلاق بيتهز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقة فا بقى ابغض الحلال عن الله بنسبالكو نكتة او حاجة تتمسخروا عليها، رهان بتعملوه مع بعض على اننا مش هنكمل، أو مادة خام للشماتة فينا".
وأردفت: "خراب البيت عمره ما كان حاجة سهلة على الست او على الرجل او على اهالينا، في عز ضعفي وحزني وكسرتي اللي ربنا ما يكتبها على اي ست مرحمتونيش ولا قدرتوا اني في موقف لا احسد عليه وشمتانين فينا".
واستطردت: "قد ايه انتوا ناس متعرفش ربنا ولا في في قلوبكم رحمه، اتمنوا الخير لبعض يا جماعة بلاش نشمت في بعض، لكن دي غلطتي اني شاركتكوا حياتي الشخصية".
وأضافت: "الانسان بيغلط عشان يتعلم وانا اتعلمت، ربنا يعينكوا على نفسيتكوا الجحيم دي، وعسى ان تكرهوا شيئ وهو خيرًا لكم، يمكن الخلاف اللي حصل كشفلنا ناس كتير حوالينا كانوا بيمثلوا انهم فرحانين لينا بس الحقيقي انهم كانوا مستنيين أول مشكلة عشان يشمتوا في كسرتي وخراب بيتي".
وختمت منشورها قائلة: "ربنا مش هينولهلكوا وربنا يخليلي اهلي وزوجي والناس اللي بتتمنالي الخير ووقفت جمبي، وكلمه أخيرة للسادة الصحفيين ارجوكوا كفاية بقى ارحونا حرام عليكم".
وفي تصريح آخر قالت عرفة: "الحمد لله ما لناش غير بعض، وكان خلاف زي أي خلاف بين أي اتنين مخطوبين أو متجوزين والشيطان دخل شعللها وأنا زعلانة من الناس اللي شمتانة حسبي الله ونعم الوكيل في الشمتانين وربنا يبعدهم عننا"
ومن جانبها أكدت والدتها ان الخلاف بين ابنتها وزوجها كان بسيطًا جدًا وتم حله وعادت الأمور بينهما إلى سابق عهدها
وتفاعل الجمهور بشكل واسع مع خبر العودة مهاجمين عرفة وعريسها مؤكدين ان هدفهما كان إثارة الجدل من أجل تصدر حديث السوشال ميديا مطالبينهما بالتصرف بطريقة واعية أكثر فيما يخص علاقتهما العاطفية، معلقين أن الزواج مسؤولية وليس لعبة "بيت بيوت" وجاء في أحد التعليقات: "حد يقولهم انه هاد زواج مش لعبة بيت بيوت"
