تعرضت الفنانة الأردنية نداء شرارة للتنمر من قبل أحد رواد مواقع التواصل، حيث علق على منشور لها ووصفها بـ "العانس".
وفي التفاصيل، كانت قد نشرت نداء شرارة صورة لها عبر حسابها الرسمي على فيسبوك وعلقت عليها: " لسه في الأيام أمل مستنيينه.. طول ما في الأيام في ناس عايشين عشانها.. لسه للأحلام بقية مكملينها.. طول ما في احساس قلوبنا مصدقينه".
فعلق أحد متابعينها على المنشور: "لا تستني شكلك رح تعنسي"، مما دفع نداء لإعادة نشر هذه التعليق والرد عليه، وقالت: "معلش استوقفني تعليق هاد الشخص وبالعاده اي شي.. بيستوقفني بحب ارد عليه .. واحتراما لشخصك علما انك.. لا تستحق بس ما خليت اسمك يبين".
وأضافت: "انا بس عندي تعقيب ع مصطلح عانس مين اللي اخترع هاد المصطلح ..انا بعد سنه رح اصير ٣٠ سنه.. يعني هل انا رح اصير معنسه..؟".
وأردفت: "هو ما ضَل شي تضغطوا في ع المرأه ف صرتوا تنعتوها بكملة عانس وياريت على عمر ٣٠ هلأ بالعشرينات وبسألوكي ليش لسا مَش متجوزه وكإنو في مشكله فيكي يعني وفي بنات بتدخل بحالة اكتئاب كل ما سمعت انو في وحده من صاحباتها تجوزت لانو اللي حواليها ضاغطينها ..!!!"
ووجهت نداء شرارة رسالة لفئة محددة من الناس: "الناس اللي بتفكر بهالطريقه انتم والجهل وجهان لعملة واحده ..لأ وبضحكوني بس يقعدوا يقولوا لاي وحده متى رح نفرح فيكي، خلص كبرتي ،وقلت فرصك ، اقبلي بأي شي هلأ ، لحقي خلفيلك ولدين قبل ال ٤٠".
وتابعت: "في اهالي ماشيين على مبدأ خلينا نجوزهم صغار من باب انو كبرت وقادره تفتح بيت خلص ومش قادرين ع مصاريف البنات ف بنجوزهم صغار ...!!! وبالاخر بيسألوا ليش في حالات طلاق معبيه الدنيا !!؟؟".
وأكملت: "على فكره انا بقبل اضل مَش متجوزه طول حياتي ولا اخد واحد شبهك وزيك ..البنت بكل المراحل بتضلها قمر وسكر ومنوره.. واللي ما بجيها نصيبها مَش عانس هيك رب العالمين كاتب كل تأخيره وفيها خيره وفِي نماذج كثيره بالعالم لسيدات ناجحه ومستقله و مَش متزوجين مين قلك الست ناقصه اذا ما تزوجت.. هاد نصيب مكتوب من عند رب العالمين".
وختمت المنشور برسالة موجهة لأهالي الفتيات: "بكفي تضغطوا ع بناتكم عشان خايفين من هالمصطلح ومن حكي الناس حبوهم واسندوهم وغطوهم برموش عيونكم، يعني واذا صارت ٣٠ وتصير بأي عمر كمان خلي العسل بجرارة حتى تغلى اسعاره ولما ربنا يريد.. الله يكتب لكل بنت بساعة هالفجر الفرح والراحه.. والسعاده وبيت مليان حب وسعاده دائمة اهم من زواج مليان كره و مرار وقلة تقدير ومشاكل ووجع راس لاولادهم بس لانها اضطرت تتجوز عشان خايفه تكبر وتروح فرصتها."
وحظيت نداء شرارة بدعم كبير من متابعينها على "انستغرام"، وطالبها بعض من رواد السوشال ميديا بانزال اسم المعلق.
نداء شرارة بـ "ذا فويس"
حصلت نداء شرارة على لقب "ذا فويس" بموسمه الثالث عام 2015، وكان ما يميزها هو غنائها وهي ترتدي الحجاب مما أثارة موجة كبيرة من الجدل والانتقادات.
يذكر أن دائمًا ما يتم تداول أخبار عبر مواقع التواصل الاجتماعي عن نية نداء بخلع الحجاب، إلا أنها دائمًا تنفي مثل هذه الإشاعات وتؤكد التزامها بالحجاب.
