كشف الفنان اللبناني نيكولا معوض عن أنه كان من المفترض ان يكون احد ابطال الفيلم الذي أثار الجدل مؤخرًا اصحاب ولا عز إلا أنه اعتذر عن المشاركة عنه
نيكولا معوض يكشف سبب اعتذاره عن اصحاب ولا أعز
ونشر الفنان اللبناني عبر حسابه الخاص في فيسبوك منشور أوضح فيه سبب اعتذاره عن المشاركة في فيلم أصحاب ولا أعز وقال: "يلّي متابعني منيح بيعرف انو ما بحياتي اعتذرت عن دور وبعدين طلعت قلت "هيدا الدور كان إلي".. مع اني ما بلاقيها غلط، بالعكس بلاقيها شغلة كتير عادية وما فيها اي انتقاص لا من الدور ولا من الممثل يلّي أخذ الدور.
وأضاف: "بَسّ اليوم، مع كل الجدل يلّي عم نشوفوا حول فيلم "اصحاب ولا أعزّ"، كتير حابِب قول انو كان المفروض كون واحد من مُمَثّلي الفيلم.. و كمان حابب قول انو سبب اعتذاري ما إلو علاقة أبداً بالجَدَل الجاهِل العَقيم يلّي عم نشوفوا حاليّاً.
واردف: " اعتذرت لانو ظروف كورونا خلّت التصوير يتأجَّل أكتر من مرّة و كان عندي ارتباط مُسبَق بتصوير خارج لبنان، فا اضطرّيت انسحب من المشروع و انا عارف مُسبَقاً اني كتير رح إزعَل لمّا شوف الفيلم..
واستطرد حديثه قائلًا: "كنت مفكّر حالي رح إزعَل بَسّ لانو الفيلم فنيّاً كتير حلو كمان لأنّي كنت عارف مُسبقاً كيف رح يكون أداء كل انسان اشتغل قدّام الكاميرا وورا الكاميرا تحت إدارة المخرج يلّي بحبّو كتير وِسام سمَيرة..
وأكمل المنشور: "بَسّ اليوم لقيت حالي زعلان لأسباب تانية.. زعلان لأنو هالفيلم كان رح يكون فرصة تخلّيني قول بالفعل مش بَسّ بالحَكي قدّيه الفَنّ أعلى وأسمى من كل القيود والأحكام والرقابات، و قدّيه للأسف نحنا عايشين بمُجتمع منافق مُزدوِج المعايير..
واختتم منشوره قائلًا: "تحيّة من القلب لكل حدا اشتغل على هالفيلم و لكلّ إنسان مؤمِن بِفَنّ حرّ و مُستقِلّ. بعرِف رح يكون في كتير تعليقات سلبيّة.. كان في ضَلّ ساكِت، بَسّ يلّي عم يتهاجَموا اليوم هنّي زُمَلاء و أصدقاء بحتِرِمُن، و كتير بحترم مشاركتُن بهالعمل، و واجِب عليّي و عا كل انسان بفَكِّر متلناانو يوقف بصَفُّن. بعتذر سلف عن عدم الرَدّ.
يُشار إلى أن فيلم اصحاب ولا أعز أول إنتاجات نتفليكس في الأفلام العربية قد أثار جدلًا واسعًا في الايام الماضية بسبب جرأة المواضيع التي طرحها
